Hollandiya millisinin hücumçusu Dirk Keyt bildirib ki, onun millidəki həmkarı Robin van Persi Türkiyənin “Fənərbağça” klubunda oynamaq istədiyini etiraf edib.

“Van Persi mənə dedi ki, nə vaxtsa “Fənərbağça”da oynamaq istəyir”, - Coal.com Dirk Keytdən sitat gətirir. “Amma indi bu barədə danışmağa dəyməz. O, sadəcə olaraq, öz arzusunu bölüşüb”, - futbolçu əlavə edib.

Qeyd edək ki, son vaxtlar Robin van Persinin Londonun “Arsenal” klubunu tərk edəcəyi barədə söhbətlər dolaşır.