"Fənərbaxça"ya 2,5 il xidmət etdikdən sonra klubla yollarını ayıran Roberto Karlos Türkiyədən ayırılıb. Braziliyanın "Korintians" klubu ilə iki illik müqavilə imzalayan futbolçu vətəninə yola düşüb.

Karlosu "Fənərbaxça" rəsmiləri - Hasan Çetinkaya, Mahmut Sökün, Samet Güzel və Umut Köse hava limanından gül-çiçəklə yola salıb.

Türkiyədən bir daha qayıtmamaq üzrə ayrılan braziliyalı Atatürk Hava Limanında jurnalistlərə verdiyi açıqlamada həm üzüldüyünü, həm də sevindiyini bildirib: "Bu gün iki duyğunu eyni anda yaşayıram. "Fənərbaxça"dan ayrıldığım üçün üzülürəm. Futbol həyatıma vətənimdə davam edəcəyim üçün isə sevinirəm. Mənim üçün yeni bir dönəm başlayır". ANSPRESS