Yığma komandamızın kapitanı Rəşad Sadıqovun forma geyindiyi “Eskişehirspor” klubu Türkiyə çempionatında ikinci qələbəsini qazanıb. Klub səfərdə “Karabükspor” kollektivinə 2:1 hesabı ilə qalib gəlib.

Baş məşqçi Bülent Uyqun Rəşad Sadıqova start heyətində oynamaq şansı verib. Futbolçumuz 90 dəqiqə mübarizə apararaq komandasının qələbəsində pay sahibi olub. Rəşad Sadıqov qarşılaşmanın 2-ci dəqiqəsində rəqibə qarşı kobud oynadığı üçün sarı vərəqə ilə cəzalandırılıb.

Xatırladaq ki, bu qələbə sayəsində “Eskişehirspor” aktivindəki xalların sayını doqquza çatdırıb. ANSPRESS