Həmyerlimiz Rəşad Sadıqovun formasını geyindiyi “Eskişehirspor” klubu növbəti yoldaşlıq oyununu keçirib. Türkiyə təmsilçisinin budəfəki rəqibi Bundesliqanın güclü klublarından olan “Şalke 04” olub. Rəşad Sadıqovun ilk dəqiqədən əvəzedilmədən oynadığı qarşılaşmada 1:1 hesablı heç-heçə qeydə alınıb.

“Eskişehirspor”un heyətində 7-ci dəqiqədə Yaman, “Şalke 04”dən isə 58-ci dəqiqədə Rakitiç fərqlənib. Rəşad Sadıqovun başçılıq etdiyi müdafiə xətti “Şalke 04”un adlı-sanlı futbolçuları Raul Qonsales, Klaas Yan Huntelar və Farfanın fərqlənməsinə imkan verməyib.

Xatırladaq ki, “Eskişehirspor" bundan əvvəl "Erqsebirq" və "Verder" klubları ilə yoldaşlıq görüşü keçirmişdi. ANSPRESS