Futbol üzrə yığma komandanın üzvü Rəşad Sadıqov yenidən futbola dönür. Futbolçu zədəsini tam sağaltmasa da, noyabrın 15-də Birləşmiş Ərəb Əmirliklərində olan yığmanın düşərgəsinə yola düşəcək və burada komandanın həkimləri tərəfindən müayinə olunaraq fərdi qaydada məşqlərə başlayacaq.

AFFA-dan verilən məlumata görə, milli komandamız artıq dünəndən Birləşmiş Ərəb Əmirliyindədir. Futbolçularımız bu ölkənin Əl-Ayn şəhərində hazırlıq keçirlər. Milli komandamız hazırlıqları yekunlaşdırdıqdan sonra həmin şəhərdə təşkil olunacaq beynəlxalq turnirdə iştirak edəcək. ANSPRESS