Futbol üzrə Türkiyə çempionatında XIX tur yekunlaşıb. Turun son qarşılaşmasında “Eskişehirspor” klubu “Konyaspor” komandasını qəbul edib. ANS PRESS-in “Eskişehirspor” klubunun rəsmi saytına istinadən verdiyi məlumata görə, qarşılaşma ev sahibi komandanın 1:0 hesablı qələbəsilə yekunlaşıb.

“Eskişehirspor”un baş məşqçisi Bülent Uyqun matçda futbolçumuz Rəşad Sadıqovu meydana buraxmayıb. “Eskişehirspor” bu qələbə sayəsində aktivindəki xalların sayını 28-ə çatdıraraq 6-cı pilləyə yüksəlib.

Anadolu təmsilçisi Türkiyənin ən titullu klublarından olan “Qalatasaray”ı iki xal qabaqlayır.Yeri gəlmişkən “Eskişehirspor” növbəti oyununu da “Qalatasaray” klubuna qarşı keçirəcək. “Eskişehirspor” səfərdə rəqibi ilə münasibətlərinə aydınlıq gətirəcək.
ANSPRESS