İspaniya çempionatının VIII turunda Madrid “Real”ı “Rasinq” (Santander) klubu üzərində böyük hesablı qələbə qazanıb. “Kral klubu”nun oyundakı altı qolundan dördünü portuqaliyalı hücumçu Kriştianu Ronaldu vurub.

Madriddə keçirilən qarşılaşmada hesabı 10-cu dəqiqədə Qonsalo İquain açıb. Bunun ardınca növbə Kriştianu Ronaldunun misilsiz oyununa çatıb . O, qonaqların qapısına dörd dəfə (15-ci, 27-ci, 47-ci və 55-ci (penaltidən) dəqiqələr) yol tapıb. “Real”ın türk əsilli almaniyalı legioneri Məsud Özil isə 63-cü dəqiqədə qolların hesabını tennis hesabına çatdırıb - 6:0. “Rasinq”in təsəlli qolunu Papakuli Diop 73-cü dəqiqədə vurub.

Kriştianu Ronaldu bu günkü oyundan sonra 10 qolla İspaniya çempionatının bombardirlər siyahısına başçılıq edir. Qonsalo İquain (“Real”), Lionel Messi (“Barselona”) və Nilmar (“Vilyareal”) ondan 5 top geri qalırlar.

Madrid klubu ardıcıl üç oyundur böyük hesablı qələbə qazanırlar. Üç oyun ərzində vurulan və buraxılan qollar arasında böyük fərq var - 16:3. “Real” 20 zal toplayıb və çempionatın lideridir. O, əzəli rəqibi “Barselona”nı bir xal qabaqlayır. anspress