Amerikada keçirilən ralli yarışında baş vermiş qəza faciə ilə nəticələnib. ANS PRESS “Euronews”a istinadən xəbər verir ki, ABŞ Kaliforniya ştatında keçirilən ralli yarışında baş vermiş qəzada 8 tamaşaçı ölüb, 12 nəfər isə yaralanıb. Məlumata görə, “Kaliforniya 200” adlı yarışda sürücülərdən birinin sükan hakimiyyətini itirməsi nəticəsində avtomobil qarşısında hər hansı bir məhdudlaşdırıcı divar olmayan tamaşaçıların üstünə aşıb. Tamaşaçılardan 6 nəfəri hadisə yerində, 2-si xəstəxanaya aparılarkən ölüb. Xəsarət alan 12 nəfər isə xəstəxanaya çatdırılıb. Onlardan 4-nün vəziyyəti ağırdır.

Qeyd edək ki, sürücünün heç bir xəsarət almadığı qəzanın səbəbləri araşdırılır. ANSPRESS