İtaliyanın "Napoli" klubunun yeni baş məşqçisi Rafael Benites olub. ANS PRESS-in Goal.com-a istinadən verdiyi məlumata görə, klubun prezidenti Aurelio de Laurentis baş məşqçi ilə razılığa gəldiklərini rəsmən bəyan edib. "Napoli" klubunun qısa zaman ərzində Beniteslə anlaşmanın detallarını açıqlayacağı gözlənilir.

Qeyd edək ki, bu mövsüm Rafael Benites "Çelsi"nin baş məşqçisi Roberto Di Matteo istefaya göndərildikdən sonra komandanın sükanı arxasına gətirilmişdi. Baş məşqçi London təmsilçisinə İngiltərə Premyer Liqasında 3-cü yer və Avropa Liqası kubokunu qazandırımışdı.