Bu gün voleybol üzrə Azərbaycan Super Liqasında yaranmış fasilə başa çatıb. 23 günlük fasilədən sonra VIII turun qarşılaşmaları keçirilib. Turun ilk matçında “Bakı” “İqtisadçı”nı sınağa çəkib. I dövrədə rəqibinə qalib gələn Jan De Brandtın yetirmələri bu dəfə də eyni uğuru təkrarlayıb – 3:0.

Bu oyundan sonra “Şirvan” və “Azərreyl” münasibətlərinə aydınlıq gətiriblər. VII turda turnir cədvəlində liderliyi itirən Vüqar Əliyevin yetirmələri bu dəfə 2 xala seviniblər. Düzdür, ilk setdə onlar rəqibin müqaviməti ilə rastlaşsalar da (25:21), son 2 hissədə gənclərdən qurulmuş “Şirvan”a cəmi 23 xal veriblər – 25:11, 25:12.

Turun axırıncı matçında son Azərbaycan Super Liqasının finalçıları - “Lokomotiv” və “Rabitə” üz-üzə gəliblər. İlk dövrədə gözlənilmədən “dəmiryolçular”a uduzaraq liderliyi itirən Dejan Brdjoviçin yetirmələri bu dəfə qisas almağı bacarıblar. Onlar rəqiblərini 3:1 hesabı ilə məğlubiyyətə uğradıblar.

Beləliklə, VIII turdan sonra turnir cədvəlində mövqe dəyişikliyi olmayıb. “Rabitə”, “İqtisadçı” və “Azərreyl” növbəti qələbələrini qazanaraq, ilk “3-lük”dəki yerlərini qoruyublar.

14 fevral

VIII tur
15:00. “Bakı” - “İqtisadçı” - 0:3 (19:25, 14:25, 20:25)
İlk oyun: “İqtisadçı” – “Bakı” – 3:1 (25:21, 25:19, 18:25, 25:16)

17:00. “Şirvan” - “Azərreyl” - 0:3 (21:25, 11:25, 12:25)
İlk oyun: “Azərreyl” – “Şirvan” - 3:0 (25:20, 25:12, 25:16)

19:00. “Lokomotiv” - “Rabitə” - 1:3 (14:25, 25:13, 17:25, 25:27)
İlk oyun: “Rabitə” - “Lokomotiv” - 2:3 (25:23, 25:21, 21:25, 18:25, 12:15)