Vyanada voleybol üzrə Çempionlar Liqasının püşkatma mərhələsi keçirilib. ANS PRESS-in Avropa Voleybol Federasiyasının internet saytına istinadən verdiyi məlumata görə, püşkatma nəticəsində “Rabitə” və “Azərreyl” qadın voleybol klubları öz rəqiblərini tanıyıblar.

“Rabitə” B qrupuna “Fənərbağça Acıbadem” (Türkiyə), “Mulyum” (Fransa) və “Drezdner” (Almaniya) ilə düşüb.

“Azərreyl” isə D qrupunda mübarizə aparacaq. Onun qrupdakı rəqibləri “Berqamo” (İtaliya), “Vakıfbank Güneş Sigorta Türk Telekom” (Türkiyə) və “Tomis” (Rumıniya) klublarıdır.

Püşkatmadan sonra elan edilib ki, Bakı “Dördlər finalı”na ev sahibliyi edəcək. ANSPRESS