Qadın voleybol komandaları arasında Çempionlar Liqası yarışlarının beşinci turu çərçivəsində Bakının “Rabitə” klubu İtaliyanın “Skavolini” komandasının qonağı olub. Gərgin mübarizə şəraitində keçən oyun 3:2 (20:25, 25:21, 25:19, 23:25, 15:6 ) hesabı ilə meydan sahiblərinin xeyrinə başa çatıb.

Xatırladaq ki, ötən il dekabrın 2-də komandalar arasında Bakıda keçirilən ilk qarşılaşmada Azərbaycan voleybolçuları rəqibinə 3:1 hesabı ilə qalib gəlmişdilər.

“Rabitə” klubu növbəti oyununu yanvarın 11-də Bakıda Rumıniyanın “Dinamo” komandasına qarşı keçirəcək.