“Qarabağ”ın baş məşqçisi Qurban Qurbanov Premyer Liqanın 29-cu turunun “Bakı” ilə oyununu şərh edib. Ağdam klubunun çalışdırıcısı 2:2 hesabıyla bitən görüşdən sonra bunları dilə gətirib:

“Biz ilk yarıda iki kobud səhvə yol verdik və nəticədə qapımızdan elə qollar buraxdıq. Belə səhvlər buraxmaq olmaz. Amma məni sevindirən o oldu ki, uşaqlar ruhdan düşmədilər və sona kimi mübarizə aparıb, buraxılan qolların əvəzini çıxa bildilər. Biz bu gün qələbə qazanmaq istəyirdik. Yaxşı nəticəyə köklənmişdik. Təəssüf ki, 1 xalla kifayətlənməli olduq”. ANSPRESS