"Qarabağ"ın baş məşqçisi Qurban Qurbanov Almaniyaya yollanacaq. ANS PRESS “Fanat.az” saytına istinadən bildirir ki, komandanın çalışdırıcısı Dortmund "Borussiya"sında təcrübə mübadiləsindən yararlanacaq. Sentyabrın 4-11 arasında baş tutacaq səfər zamanı məşqçimiz sonuncu Almaniya çempionunun məşqlərini izləyəcək, klubun infrastrukturu ilə tanış olacaq.

Qurban Qurbanovun eyni zamanda "Borussiya"nın çalışdırıcısı Yurgen Kloppla görüşü nəzərdə tutulub. Sentyabrın 11-də geri dönəcək məşqçimiz "Sumqayıt-şəhər"lə Premyer Liqada baş tutacaq oyuna yetişəcəyi gözlənilir.

Xatırladaq ki, bu, “Qarabağ”ın baş məşqçisinin ilk belə səfəri deyil. Qurbanov 2010-cu ilin yanvar ayında "Qalatasaray`"n düşərgəsinə yollanmış və bu klubun o vaxtki baş məşqçisi Frank Raykardla görüşmüşdü.