Türkiyənin Antalya şəhərində hazırlıqlarını davam etdirən "Qarabağ" bu gün növbəti yoxlama oyununu keçirib. Qurban Qurbanov yetirmələrini bu dəfə Rumıniyanın I liqasında çıxış edən "Qaz Metan Media" klubu ilə oyunda sınayıb. Oyun "Qarabağ"ın 1:2 hesablı məğlubiyyəti ilə yekunlaşıb.

7-ci dəqiqədə rumınlar hesabı açıb. 41-ci dəqiqədə müdafiəçilərin kobud səhvindən yararlanan "Qaz Metan Media" hesabı 2:0-a çatdırıb. "Qarabağ"ın cavab qolunu vurmaq istəyi 63-cü dəqiqədə reallaşıb. Aftandil Hacıyevin baş zərbəsi dəqiq olsa da, komandamızın bundan artığına gücü çatmayıb.

Qeyd edək ki, "Qarabağ" indiyədək Antalyada Qazaxıstanın "Jetisu" (2:3), Türkiyənin "Erdemirspor" (45 dəqiqə, 8:0) və Ukraynanın "İlliçevets" (2:2) klubları ilə yoldaşlıq oyunu keçirib. anspress