"Qarabağ" klubu Unibank Premyer Liqasının XIII turu çərçivəsində "Qəbələ" ilə oyuna hazırlıqlarını sona çatdırıb. Bu arada heyətdə zədəli futbolçuların çox olması texniki heyəti çətin duruma salıb. Peşəkar Futbol Liqasından verilən məlumata görə, Ağdam təmsilçisi zədə səbəbindən Elvin Məmmədov, Maksim Medvedev və Əfran İsmayılovun xidmətindən yararlana bilməyəcək. Kapitan Aslan Kərimov, həmçinin Emin İmaməliyev, Vaqif Cavadov və Vüqar Nadirovun da bazar günü keçiriləcək oyunda oynaması sual altındadır.
“Qarabağ” klubunun daha iki futbolçusu - Qara Qarayev və Tural İsgəndərov isə Almaniyada təlim keçdiklərindən qarşıdakı oyunda komandalarına kömək edə bilməyəcəklər. ANSPRESS