Bu gün Unibank Premyer Liqasının IV turundan təxirə salınmış bir oyun keçirilib. T.Bəhramov adına Respublika stadionunda "Bakı" klubunu qəbul edən "Qarabağ" rəqibini 2:0 hesabı ilə məğlub edib. Ağdam təmsilçisinin heyətində dubl edən Georgi Adamiya cari mövsümdə vurduğu qolların sayını 5-ə çatdırıb.

“Qarabağ”ın baş məşqçisi Qurban Qurbanov bu qələbənin turnir cədvəlində komandasının vəziyyətinin yaxşılaşdırılmasına təsir etdiyini bildirib: “Komandamız yaxşı oyun göstərdi. Bugünkü oyunda qalib gəlməyimiz vacib idi. 3 xal qazanıb turnir cədvəlində vəziyyətimizi yaxşılaşdırdıq. Fikrimcə, layiq olduğumuz qələbəni qazandıq”. ANSPRESS