Ölkə ərazisində hökm sürən əlvərişsiz hava şəraiti ilə əlaqədar olaraq Unibank Premyer Liqasının təqvimində dəyişikliklər edilib.

Peşəkar Futbol Liqasından verilən məlumata görə, sabah baş tutmalı olan XIX turun bütün qarşılaşmaları fevralın 9-na təyin edilib. Bu turda “Standard” – “İnter”, “Qarabağ” – “Karvan”, “Simurq” – “Xəzər Lənkəran”, “Neftçi” - ”Bakı”, “Muğan” – “Olimpik-Şüvəlan” və “Qəbələ” – “Turan” görüşləri oynanılacaq.

Xatırladaq ki, çempionata Bakının “İnter” klubu liderlik edir. “Bankirlər”in aktivində 39 xal var. “Qarabağ” və “Xəzər Lənkəran” 36 xalla lideri izləyirlər. ANSPRESS