Türkiyə Super Liqasında “Gənclərbirliyi” üzərində 1:0 hesablı qələbə qazanan “Qalatasaray” birinci dövrəni 36 xalla başa vurub. Bir oyun artıq oynayan “aslanlar” turnir cədvəlində liderliyə yüksəliblər.

“Qalatasaray” “Gənclərbirliyi” ilə qarşılaşmanın birinci hissəsində gözəl oyun nümayiş etdirsə də, qol vura bilməyib. Daha doğrusu, top iki dəfə rəqib qapısından keçsə də, əllə oyun və oyundankənar vəziyyət olduğunu əsas gətirən hakim qolları saymayıb. İkinci hissədə isə Kyuvelin vurduğu qol qələbə gətirib.

“Qalatasaray”ın lider kürsüsündə nə qədər qalacağı bu gün keçiriləcək “Trabzonspor”-“Fənərbaça” oyununun nəticəsindən asılı oladcaq. “Fənərbaxça” bu oyunda xal itirsə, “Qalatasaray” ikinci dövrəyə lider kimi başlayacaq. ANSPRESS