“Qalatasaray” klubu tarixində ilk dəfə “Kardemirspor Karabükspor” klubuna məğlub olmaqla bir rekorda imza atıb. Türkiyə çempionatının son dörd oyununda qələbə qazanaraq azarkeşlərini sevindirən “Qalatasaray” 11 ildən sonra görüşdüyü “Kardemir Karabükspor”a səfərdə 0:2 hesabı ilə uduzub.

İstanbul klubu daha öncə “Kardemir Karabükspor”la 6 dəfə qarşılaşaraq bu oyunların 4-də qələbə qazanmış, 2-də heç-heçə oynamışdı.

“Qalatasaray” zəif rəqibi qarşısında çox məzmunsuz oyun nümayiş etdirərək ilk real qol vəziyyətini oyunun 75-ci dəqiqəsində yaradıb. “Kardemir Karabükspor” bu parlaq qələbə ilə turnir cədvəlinin 3-cü pilləsinə yüksəlib. ANSPRESS