Bu gün UEFA Çempionlar Liqası turniri çərçivəsində keçiriləcək “Barselona” – “Arsenal” matçından əvvəl Karles Puyola 100 min avroluq xüsusi çek təqdim olunacaq. ANS PRESS-in UEFA-nın rəsmi saytına istinadən verdiyi məlumata görə, “Barselona” klubu və İspaniya yığmasının kapitanı Avropa İttifaqı yığmasının kapitanı seçildiyi üçün bu mükafata layiq görülüb. Karles Puyol əldə edəcəyi pul mükafatını Beynəlxalq Qırmızı Xaç fonduna köçürməyə qərar verib.

Xatırladaq ki, Karles Puyol UEFA-nın rəsmi saytında azarkeşlərin səsverməsi nəticəsində Avropa İttifaqı yığmasının kapitanı seçilmişdi. O, 230 min azarkeşin səsini qazanmışdı.