Türkiyə mətbuatı Azərbaycan millisinin Qazaxıstan yığması üzərində qələbəsində narazı qalıb. Bu narazılıq səbəbsiz deyil. Məsələ burasındadır ki, millisiz bu qələbədən sonra xallarının sayının 7-ə çatdırıb və dördüncü pillədə möhkəmlənib. Qazaxıstan millisinin isə xallarının sayı 3-də qalıb və qrupda sonuncu yeri tutur.

Bu isə Türkiyə millisinin “ən yaxşı ikinci” titulu ilə Avropa çempionatına birbaşa vəsiqə qazanmasına mane olan amildir. Belə ki, “ən yaxşı ikinci” müəyyənləşdirilərkən qrupda ikinci yeri tutan komandanın sonuncu pillədəki komanda ilə oyunu nəzərə alınmır. Yəni, Türkiyə millisinin Qazaxıstan yığması üzərindəki iki qələbəsi nəzərə alınmayacaq. Bunun əvəzində isə türklərin Bakıda Azərbaycan millisinə məğlub olması onların “ən yaxşı ikinci” olması üçün bir əngələ çevrilir.

Türkiyə KİV-ində Azərbaycan millisinin qələbəsi ilə bağlı başlıqlar:
“Habertürk”: “Olmadı qardaş!”
“Milliyet”: “Kardeş ülkeden kötü haber‎”
“Hürriyet”: “Azerbaycan bu kez güldürmedi”
Mackolik.com: “Azerbaycan bu sefer üzdü”
“Ajansspor”: “Azerbaycan'da istediğimiz olmadı”
“Fanatik”: “İşte bu olmadı: 3-2”
Sporx.com: “Olsun be “qardaş”: 3-2”.