Kanadanın Vankuver şəhərində Qış Olimpiya Oyunları davam edir. Almaniya idmançıları son gündə qazandıqları qızıl medallar hesabına ümumi komanda hesabında ABŞ komandasını geridə qoyaraq liderliyi ələ keçiriblər.

Almaniya idmançıları 7 qızıl, 9 gümüş və 5 bürünc medal əldə ediblər. ABŞ komandası isə 7 qızıl, 7 gümüş və 10 bürünc medal əldə edib. Avropa təmsilçiləri medalların sayına görə deyil, əyarına görə ABŞ komandasını üstələyir.

Norveç idmançıları əldə etdikləri 6 qızıl, 3 gümüş və 5 bürünc medalla ümumi komanda hesabında 3-cü yerdəki mövqelərini bir qədər də möhkəmləndiriblər. İlk onluqda müvafiq olaraq Cənubi Koreya, Kanada, Avstriya, İsveç, Hollandiya, Çin və Rusiya komandaları yer alır. ANSPRESS