Azərbaycanlı qrossmeyster Niderlandda keçirilən şahmat turnirinin birincisi olub. İyunun 22-dən 24-dək Niderlandın Hilversun şəhərində keçirilən HSG 2012 açıq şahmat turnirinin A kateqoriyasında çıxış edən Fransada yaşayan həmyerlimiz qrossmeyster Namiq Quliyev (FİDE üzrə reytinqi 2522) altı oyundan beş xal toplayaraq turnirin birinci mükafatına layiq görülüb.

Azərbaycanın Fransadakı səfirliyindən AzərTAc-a bildiriblər ki, ölkəmizi təmsil edən N.Quliyev turnirdə FİDE-nin 2630-luq reytinqinə uyğun çıxışı ilə yadda qalıb.