Bəlli olduğu kimi dünən Sinqapurda Yeniyetmələrin I Yay Olimpiadası start götürüb. Olimpiadada 30 idman növü üzrə dünyanın 3600-dən çox idmançısı medal uğrunda mübarizə aparır.

Bu gün yunan-Roma güləş növündə Azərbaycanı təmsil edən Murad Bazarov (42 kq) kubalı rəqibi Yosvan Flores üzərində qələbə qazanıb (2:0, 1:0). Böyük uğura imza atan M.Bazarov yeniyetmələr arasında ilk azərbaycanlı Olimpiya cempionu olub.

Qeyd edək ki, ölkəmizi Olimpiadada 12 idmançı təmsil edir. Yarışda 15 yaşdan 18 yaşadək idmançılar mübarizə aparır. ANSPRESS