Qazaxıstanın Astana şəhərində təşkil olunmuş "Prezident kuboku" turnirində çıxış edən 17 yaşadək futboçulardan ibarət Azərbaycan yığması bu gün ikinci oyununu keçirib. Yığmamızın rəqibi meydan sahibi Qazaxıstan olub. Oyun millimizin 3:2 hesablı qələbəsi ilə yekunlaşıb.

Hesabı 2-ci dəqiqədə Ruslan Nəsirli açıb. 50-ci dəqiqədə Qurbanəli Əliyev fərqlənib. Meydan sahibləri 70-75-ci dəqiqələrdə iki qol vururaq hesabı bərabərləşdirsə də, Ruslan Nəsirli 80-ci dəqiqədə millimizə qələbə qazandıran qola imza atıb.

Qeyd edək ki, millimiz dünən İranla qarşılaşıb və 2:1 hesabı ilə qalib gəlib. Bu gün Qazaxıstanı udan yığmamız 6 xalla qrup lideridir.

II tur

Qazaxıstan - Azərbaycan 2:3
Qollar: Rafael Əliyev, 70, Vladimir Vomenko, 75 - Ruslan Nəsirli, 2; 80, Qurbanəli Əliyev, 50.