Qazaxıstanın Astana şəhərində keçirilən “Prezident kuboku”nun qalibi olan 17 yaşadək futbolçulardan ibarət Azərbaycan yığması Bakıya qayıdıb. ANS PRESS-in AFFA-ya istinadən verdiyi məlumata görə, Heydər Əliyev Beynəlxalq Aeroportunda yığmamızı bir qrup azarkeş qarşılayıb.

Qeyd edək ki, finalda Ukrayna yığmasını oyunsonrası penalti zərbələri ilə 5:4 hesabı ilə məğlub edən yığmamızın heyətində 4 oyunda 5 qol vuran hücumçu Ruslan Nəsirliyə turnirin bombardiri üçün təsis olunmuş xüsusi mükafat verilib.