Futbol üzrə Azərbaycan milli komandası noyabrın 12-də Dubaya yola düşəcək. Komandamız burada beynəlxalq turnirdə iştirak etməyi planlaşdırır. AFFA-dan verilən məlumata görə, turnirdə milli komandamızla yanaşı, Birləşmiş Ərəb Əmirlikləri, İraq və Çexiya yığmaları da mübarizə aparacaq.

Komandamız ilk oyununu noyabrın 15-də İraq yığmasına qarşı keçirəcək. Bu qarşılaşmanın qalibı noyabrın 18-də BƏƏ-Çexiya matçının güclüsü ilə finalda mübarizə aparacaq. İlk qarşılaşmaların məğlubları isə təsəlliverici görüşdə qüvvələrini sınayacaqlar. ANSPRESS