UEFA Çempionlar Liqasının 1/8 final mərhələsində daha iki cavab oyunu keçirilib.

Ev oyununda 0:1 hesabı ilə məğlub olan “Milan” Londonda “Tottenhem”dən revanş almağa cəhd edib. Lakin, İtaliya klubu buna nail ola bilməyib. Qarşılaşma qolsuz heç-heçə ilə başa çatıb. Bu nəticə ingilisləri ¼ finala çıxarıb.

“Şalke” isə “Valensiya”nı qəbul edib və 3:1 hesabı ilə qalib gəlib (ilk oyunda 1:1 hesablı heç-heçə qeydə alınmışdı). 17-ci dəqiqədə hesabı “Valensiya”nın oyunçusu Rikardo Koşta açıb. O, Mehmet Topalın gözəl ötürməsini qola çevirib. 40-cı dəqiqədə Farfan Cefferson hesabı bərabərləşdirib. Lakin “Şalke” 52-dəqiqədə Mario Qavranoviçin qolu ilə hesağbda yenidən irəli çıxıb. Oyunda son nöqtəni də Farfan Cefferson qoyub. Onun oyunun əsas vaxtına əlavə edilmiş dəqiqələrdə vurduğu qol “Şalke”nin ¼ finala vəsiqəsini qətiləşdirib.

Xatırladaq ki, bir gün əvvəl “Barselona” və “Şaxtyor” Çempionlar Liqasının ¼ finalına vəsiqə əldə etmişdilər.