“İlham Əliyev Azərbaycanın dünya çempionu olmağını istəyir.” Bu sözləri UEFA prezidenti Michel Platini AFFA-nın Mərdəkan qəsəbəsindəki Futbol Mərkəzinin ərazisində milli komandalar üçün inşa olunacaq təlim-məşq bazasının təməlqoyma mərasimində çıxışı zamanı deyib.

ANS PRESS-in verdiyi məlumata görə, UEFA prezidenti ölkə başçısı ilə görüşdüyünü və bir neçə mövzu ilə bağlı söhbət etdiklərini bildirib: “İlham Əliyev Azərbaycanın dünya çempionunu olmağını istədiyini deyib. Mən də öz növbəmdə bu məsələnin elə də asan olmadığını və uğur əldə etmək üçün uşaq futboluna önəmin artırılmasının lazım olduğunu bildirdim”.