“Sərhədçi” Olimpiya İdman Mərkəzində qadın voleybol komandaları arasında Çellenc Kuboku yarışlarının ikinci turunun cavab oyunları çərçivəsində Bakının “Lokomotiv” klubu “Omıçka” komandasını qəbul edib. Gərgin mübarizə şəraitində keçən oyun 3:0 (25:16, 25:23, 26:24) hesabı ilə Azərbaycan voleybolçularının xeyrinə başa çatıb.

Yarışın əsasnaməsinə görə, növbəti mərhələyə vəsiqə qazanan komanda tay-brekdə müəyyənləşib. Bu setdə “Lokomotiv” rəqibini 16:14 hesabı ilə məğlub edərək növbəti mərhələyə vəsiqə qazanıb.