ABŞ-ın Sülh Korpusunun könüllüsü Amy Kingin APA-nın cənub bürosuna verdiyi məlumata görə, tədbirin keçirilməsinin əsas məqsədi qızlarda futbola marağın artırılmasından ibarət olub. Həftə ərzində təlim-məşq toplantılarına 8 yaşdan 16 yaşa kimi 20-dək qız cəlb olunub. Bu müddətdə məşqçi Xalid Ağayevin rəhbərliyi ilə qızlar futbolun texnikasına yiyələnmək imkanı qazanıblar.
X. Ağayev APA-ya qızlardan ibarət komandanın gələcəkdə respublika əhəmiyyətli yarışlara qatılacağını bildirib. Sonda bütün iştirakçılara təşkilat komitəsinin sertifikatları verilib.
Qeyd edək ki, analoji tədbirin respublikanın digər bölgələrində də keçirilməsi nəzərdə tutulub. APA