Gənc boksçular arasında keçirilən Dünya çempionatında Macarıstana gümüş medal qazandıran boksçu Andras Nəgi xəstəxanada dünyasını dəyişib.

Macarıstan Xəbər Agentliyinin (MTI) məlumatına görə, boksçu 3 gün öncə keçirdiyi döyüşdə nokautla məğlub olaraq komaya düşüb. Avstraliyalı həkimlər macar boksçunun  müalicəyə cavab vermədiyini bildiriblər. Həkimlər idmançının iki gün ərzində aparatlar hesabına yaşadığını bildiriblər. 

Boks karyerasını peşəkar boksda Avstraliyada davam etdirən 23 yaşlı macar boksçu, 3 gün öncə Avstraliyanın Melburn şəhərində keçirilən döyüşdə rəqibinə nokautla məğlub olaraq komaya düşmüş və xəstəxanaya aparılmışdı. /ANS PRESS/