İtaliyanın “Yuventus” klubunun azarkeşləri sevimli komandalarının futbolçularını daşıyan avtobusu lax yumurta atəşinə tutub. Hadisə dünən gecə saatlarında “Yuventus”un öz meydanında “Katanya” klubuna 1:2 hesabı ilə məğlub olmasından sonra baş verib.

Bu yolla azarkeşlər klubun İtaliya çempionatında və Çempionlar Liqasında göstərdiyi zəif oyuna etiraz edib.

Xatırladaq ki, Turin klubu A seriyasında 3-cü yerdə qərarlaşıb. “Yuventus” lider “İnter”dən 19 xal geri qalır. ANSPRESS