İtaliya klublarında çıxış edən futbolçular tətilə başlayıblar. Futbolçular sentyabrın 25-26-sı tarixinədək futbol qarşılaşmalarında iştirak etməmək qərarına gəliblər.

“Futbolçular meydanlara çıxmamaq haqqında razılıq əldə ediblər. Biz futbolçularla liqa arasında müqavilələrin yeni qaydalarına etiraz edirik”, - deyə “Milan”ın futbolçusu Massimo Oddo bildirib.

Xatırladaq ki, bu yay futbolçular assosiasiyası və İtaliya liqası arasında əldə olunmuş razılıq qüvvədən düşüb. Tərəflər yeni razılığa gələ bilməyərək müqavilə imzalamayıblar. ANSPRESS