"Qarabağ" daha bir mükafata layiq görülüb. Gənclər və İdman Nazirliyi Ağdam təmsilçisini "İlin ən yaxşı komandası" elan edib.
Ötən mövsüm Azərbaycan çempionatında bürünc mükafat qazanan, Avrokuboklarda Azərbaycan futbol tarixinə ilk dəfə 3 mərhələ adlayan komanda kimi düşən "Qarabağ" kişi basketbolçulardan və qadın voleybolçulardan ibarət milli komandaları qabaqlayaraq ilin ən yaxşısı olub.

"Qarabağ"a bu münasibətlə Azərbaycan Gənclər və İdman Nazirliyinin diplomu təqdim edilib.