Bu gün Hövsan Olimpiya İdman Kompleksinin açılış mərasimi olub. açılış mərasimində Azərbaycan Respublikasının Prezidenti İlham Əliyevdə iştirak edib.
Prezident İlham Əliyev idmançılarla görüşdü, rəmzi açılışı bildirən lenti kəsdi, Olimpiya İdman Kompleksi ilə tanış olub. Ona kompleks barədə məlumat verilib. Kompleksin tikintisinə 2007-ci ildə başlanılıb. Kompleksin ümumi ərazisi 4,5 hektardır, 2,4 hektar sahədə yaşıllaşdırma işləri aparılıb. Üçmərtəbəli binanın sahəsi 19 min kvadratmetrdir. Buraya üzgüçülük hovuzu, idmanın müxtəlif növləri üzrə yarışların keçirilməsi və təlim-məşq prosesi üçün 2 universal zal, soyunub-geyinmə otaqları, kafe daxildir. İdman kompleksindəki oyun zallarında həm mini futbol, basketbol, voleybol, həm də gimnastika, boks və güləş yarışları keçirmək mümkündür.
Kompleksə açıq havada mini futbol, voleybol, oxatma meydançaları, güllə atıcılığı üzrə qapalı zal daxildir.
Hövsan Olimpiya İdman Kompleksi ən müasir avadanlıqla təchiz olunub.

Prezident İlham Əliyev daha bir idman kompleksinin istifadəyə verilməsi münasibətilə idmançıları və ictimaiyyətin nümayəndələrini təbrik edib. ANSPRESS