Bu gün London Olimpiadasında güləş yarışlarına start verilib. Pekin Olimpiadasında finala kimi irəliləyən Rövşən Bayramov (55 kq) bu dəfə qızıl medal qazanmaq iddiasındadır. O, arzusunu reallaşdırmaq üçün mübarizəyə 1/16 finaldan başlayıb.

Həmyerlimizin rəqibi rusiyalı Minqiyan Semyonov olub. Görüş dünya çempionumuz üçün uğurlu alınıb. İlk hissədə qələbə qazanan Rövşən növbəti hissədə də qalib gələrək, 1/8 finala yüksəlib.

Onun növbəti rəqibi amerikalı Tomas Manqo Spenser olacaq.