Türkiyənin Bank Asiya 1-ci liqasında çıxış edən həmyerlilərimizin sayı arta bilər. Türkiyədə "Fənərbaxça", "Sivasspor" və "Boluspor" kimi klubların formasını geyinən İlqar Qurbanov yenidən qardaş ölkədən təklif alıb.
Qurbanovun xidmətində Bank Asiya 1-ci liqasının iki klubu maraqlıdır. Həmin klubların adları açıqlanmasa da, onlardan birinin Superliqaya çıxmaq iddiasında olduğu deyilir.

Məlumata görə, türk klubları artıq "Olimpik-Şüvlən"la danışıqlara başlayıb. Klublar arasında anlaşma əldə olunsa, İlqar qısa fasilədən sonra yenidən Türkiyə çempionatında oynayacaq.

Qeyd edək ki, hazırda Türkiyənin 1-ci liqasında iki azərbaycanlı futbolçu çıxış edir. Onlardan biri - qapıçı Vitali Kovalyov "Kartalspor"un, digəri - Anatoli Ponomaryov isə "Orduspor"un formasını geyinir. ANSPRESS