İtaliyanın Liqnano şəhərində keçirilən çimərlik futbolu üzrə Avropa Liqasının seçmə mərhələ oyunlarına Azərbaycan milli komandası qələbə ilə start verib. Bu gün Çexiya yığması ilə qarşılaşan millimiz 5:4 hesabı ilə qələbə qazanıb. Komandamızın qollarını Elşad Quliyev, Elvin Quliyev, Zeynal Zeynalov, İlham Əzizzadə və Müslüm Hüseynov vurub.

Avropa Liqasının seçmə mərhələsində millimiz növbəti oyununu iyulun 4-də, Bakı vaxtı ilə saat 18:00-da keçirəcək. Komandamızın rəqibi Hollandiya yığması olacaq. ANSPRESS