FİFA ilin ən yaxşı futbolçusunu elan edəcək. Namizədlər siyahısında Kaka və Kriştianu Ronaldu (hər ikisi “Real”), Leonel Messi, Xavi və İnesta (hər üçü “Barselona”) kimi futbolçular var. Kriştianu Ronaldo bu mükafatın ötənilki qalibidir. Leonel Messi isə “Qızıl top”a sahib olduqdan sonra bu mükafatı da qazanmağa ən real namizəd hesab edilir.
Qadın futbolçulardan isə Kristiana və Marta (hər ikisi Braziliya), İnka Qrinqs, Birtit Prinz (hər ikisi Almaniya) və Kelli Smit (İngiltərə) namizədlər siyahısındadırlar.
Dünyada ilin ən yaxşı futbolçusu 21 dekabrda FİFA yığmalarının baş məşqçiləri və kapitanlarının səsverməsi nəticəsində seçiləcək.
Toplantıda həmçinin ilin ən yaxşı qolunun müəllifinə də mükafat təqdim ediləcək. ANSPRESS