Türkiyənin “Fənərbaxça” klubunun əfsanələrindən sayılan Lefter Küçükandonyadis vəfat edib. ANS PRESS-in Türkiyə mətbuatına istinadən verdiyi məlumata görə, yanvar ayının 9-da yerləşdirildiyi Amerikan xəstəxanasında dünyasını dəyişib. Bununla bağlı, “Fənərbaxça” klubunun rəhbərliyi Lefter Küçükandonyadisin yaxınlarına və onu sevənlərə başsağlığı verib.

Qeyd edək ki, Lefter 1925-ci ildə İstanbulda doğulub. O, 1947-1964 illər aralığında “Fənərbaxça”nın şərəfini qoruduğu müddətdə 3 dəfə Türkiyə çempionluğu sevinci yaşayıb. Azarkeşlərin “Ordinaryus” ləqəbi verdikləri futbolçu karyerası ərzində 832 qola imza atıb. Lefter İtaliyanın “Fiorentina” və Fransanın “Nitsa” klublarında da legioenerlik həyatı yaşamağa macal tapmışdı.