“Fənərbaxça”nın “Qalatasaray”la derbi oyununda zədələnən və həftənin ortasında kubok oyununda da meydana çıxa bilməyən Aleks De Souza çətin “Beşiktaş” derbisində də olmayacaq. ANS PRESS-in “Habertürk”ə istinadən verdiyi məlumata görə, ulduz futbolçunun ayağındakı şişlik keçməyib və buts geyinə bilmir.

“Fənərbaxça”nın baş məşqçisi Aykut Kocamanın Aleksin yerinə Miroslav Stoxu meydana buraxacağı gözlənilir. Zədəsi davam edən Mussa Sounun əvəzinə isə “Beşiktaş”a qarşı Bienvenü oynayacaq.

Qeyd edək ki, Aleks De Souza “Fənərbaxça”nın əsas qol silahıdır. O, “Beşiktaş”a qarşı oyunlarda 13 qol vurub.