“Qalatasaray” klubunun baş məşqçisi Fatih Terim Türkiyə yığmasını çalışdıra bilər. ANS PRESS-in "TRT Haber"ə istinadən verdiyi xəbərə görə, Türkiyə Futbol Federasiyası bu məqsədlə Terimə müraciət edib.

Mütəxəssisə dörd illik müqavilə bağlamaq təklif olunur. Bu da məşqçiyə mövsümün sonuna kimi “Qalatasaray”da qalmaq imkanı verir.

Xatırladaq ki, Fatih Terim 1993-1996-cı və 2005-2009-cu illərdə millini çalışdırıb və komandaya 2008-ci ildə Avropa Çempionatının bürünc medalını qazandırıb.