Futbol üzrə Avropa çempionatının ikinci yarımfinal oyunu keçirilib. ANS PRESS-in məlumatına görə, İtaliya millisi turnirin finalına vəsiqə qazanıb.

İtaliya yığması çempionatın əsas favoriti sayılan Almaniya millisini məğlub edib. İtaliyalı futbolçu Mario Balotelli qarşılaşmanın birinci hissəsində dubla imza atıb. Almaniya millisi isə ikinci hissədə bu qollardan yalnız birinin əvəzini çıxa bilib. Almanların yeganə qolunu oyunun əsas vaxtına əlavə edilmiş dəqiqələrdə türk futbolçu Məsud Özil penaltidən vurub.