"Olimpik-Şüvəlan" futbol klubunun baş məşqçisi Əsgər Abdullayev istefa verib. Bu gün səhər saatlarında təcrübəli mütəxəssis istefa ərizəsini klub prezidenti Vaqif Qasımova təqdim edib.
Klubun rəsmi saytında yer alan məlumata görə, ərizədə bunlar qeyd olunub:” "Olimpik-Şüvəlan" klubunun əsas komandasındakı ab-hava, futbolçular arasındakı münasibət məni qane etmir. Klubun formalaşmasında, bir iddialı klub kimi qəbul olunmasında böyük xidməti və zəhməti olan bir məşqçi kimi bunlar məni razı sala bilməz. Bir peşəkar kimi dəyişikliyə zərurət olduğunu hiss edirəm. Bunları nəzərə alaraq Sizə bildirirəm ki, mənim "Olimpik-Şüvəlan" futbol klubunun baş məşqçisi vəzifəsindən istefamı qəbul edəsiniz”.
Klub prezidenti isə öz növbəsində baş məşqçinin bu xahişini yerinə yetirib. ANSPRESS