Futzal üzrə Avropa çempionatının seçmə qrup mərhələsində növbəti oyunlar baş tutub. Seçmə mərhələnin B qrupunda yer alan Ermənistan yığması İslandiyada yerli komanda ilə görüşüb.

ANS PRESS-in UEFA-nın rəsmi saytına istinadən verdiyi məlumata görə, İslandiyanın futzal yığması Avropada güclü kollektivlərdən sayılmasa da rəqibini rüsvayçı məğlubiyyətə uğradıb. İslandlar Ermənistan komandasının qapısından 6 qol keçiriblər. Ermənilər isə buna yalnız bir qolla cavab verə biliblər.

B qrupunun digər oyununda isə Latviya millisi Yunanıstan kollektivini 4:0 hesabı ilə məğlub edib. 2 oyundan sonra B qrupuna 6 xalla Latviya komandası başçılıq edir. Ermənistan isə sonuncu pillədə qərarlaşıb. ANSPRESS