Birləşmiş Ərəb Əmirliklərində klublararası Dünya çempionatı sona yaxınlaşır. Yarışların final mərhələsində oynayacaq klublar artıq məlumdur.
Argentinanın “Estudiantes” klubunun ardından “Barselona” komandası da finala vəsiqə qazanmağa müvəffəq olub. İspaniya klubu Meksikanın “Atlante” kollektivini 3:1 hesabı ilə məğlub edərək “Estudiantesə” rəqib olub. “Barselona” klubunun heyətində Serxio Buskes, Lionel Messi və Pedro Rodriqes fərqlənib.
“Barselona” - “Estudiantes” arasında final oyunu dekabrın 19-da baş tutacaq.
Xatırladaq ki, turnirin son qalibləri “Mançester Yunayted” və “Milan” klublarıdır. ANSPRESS