Ukraynanın Zaporojye şəhərində idman ustası Yevgeni Truxinin xatirəsinə həsr olunmuş yunan-Roma güləşi üzrə gənclər arasında beynəlxalq turnir keçiriləcək.

Azərbaycan Güləş Federasiyasından verilən məlumata görə, bu gün start götürəcək yarışda iştirak etmək üçün yığma komandamız artıq Ukraynaya yola düşüblər. Komandamız turnirə məşqçilər Nazim Əhmədov və Zöhrab Abbasovun rəhbərliyi altında yola düşüblər.

Turnirdə idmançılarla yanaşı ölkəmizi həmçinin Sədi Quliyev hakim kimi təmsil edəcək.

Xatırladaq ki, yarışlara yanvarın 24-də yekun vurulacaq. ANSPRESS