Çempionlar Liqasında yeni mövsüm iki oyunla start götürüb. Birinci təsnifat mərhələsinin qarşılaşmalasında Andorranın “Santa Kolma” klubu öz meydanında Lüksemburqun “Dudelanc” komandasına 0:2 hesabı ilə uduzub. Cavab oyunu iyulun 5-də Lüksemburqda keçiriləcək. Cütlüyün qalibi iyulun 12-si və 19-da Sloveniya çempionu “Maribor”la qarşılaşacaq

San Marinonun “Tre Fiori” komandası isə ev oyununda Maltanın “Valette” komandasına 0:3 hesabı ilə məğlub olub. Bu qələbədən sonra Malta çempionunun əldə etdiyi üstünlüyü qoruyacağı və növbəti mərhələyə vəsiqə qazanacağı ehtimalı daha böyükdür. Onu növbəti mərhələdə Litvanın “Ekranas” klubu gözləyir. ANSPRESS